Украина президенті Владимир Зеленский АҚШ президенті Дональд Трамптың қолдауымен Украинадағы соғысты қысқа мерзімде, қыс басталғанға дейін аяқтауға үміт білдірді. Бұл туралы Deutsche Welle хабарлады.
Зеленский мен Трамп 22 қыркүйекте Нью-Йоркте БҰҰ Бас Ассамблеясының 81-сессиясы аясында кездесті. Украина президенті келіссөздерді «оң әрі нәтижелі» деп бағалады.
Зеленскийдің айтуынша, тараптар шиеленісті бәсеңдетуге және дипломатиялық жолға өтуге мүмкіндік беретін ықтимал қадамдарды талқылаған. Оның сөзінше, АҚШ пен Украина соғыстың қысқа дейін аяқталғанын қалайды.
Украина энергетикалық нысандарға соққы беруді тоқтатуға дайын
Кездесуден кейін Зеленский Украина Ресейдің энергетикалық нысандарына соққы беруді тоқтатуға дайын екенін, алайда бұл үшін Мәскеуден де өзара қадам қажет екенін айтты.
«Біз энергетикалық бітімнің кез келген форматына дайынбыз», — деді Украина президенті. Оның айтуынша, егер Ресей Украина энергетикалық жүйесіне шабуыл жасауды тоқтатса, Киев те осындай міндеттемені қабылдауға дайын.
Зеленский Ресей президенті Владимир Путинмен кез келген уақытта кездесуге дайын екенін тағы да мәлімдеді. Оның пікірінше, Трамп АҚШ, Украина және Ресей басшыларының үшжақты кездесуін ұйымдастырып, онда негізгі мәселелерді талқылауға мүмкіндік бере алады.
Зеленский Patriot жүйелеріне қатысты жоспарды айтты
Келіссөздер барысында Украинаның әуе қорғанысын күшейту мәселесі де талқыланды. Зеленский АҚШ пен Украина Patriot жүйелеріне арналған зымыран-тосқауылдарды Украина аумағында өндіру жобасы бойынша жұмысты жалғастырып жатқанын айтты.
Украина президентінің сөзінше, бұл ұзақ мерзімге бағытталған жоба. Сонымен қатар тараптар Украинаның қысқы кезеңдегі әуе қорғанысын күшейтуге арналған көмек пакетін талқылаған.
Зеленский мен Трамптың кездесуі Нью-Йоркте өтіп жатқан БҰҰ Бас Ассамблеясының 81-сессиясы аясында ұйымдастырылды.
Фото / Photo: WH
Источник / Дереккөз / Source: Deutsche Welle
