2026 жылғы 25 қыркүйекте Маңғыстау облысында қызметтік міндеттерін атқару кезінде әскери қызметшілердің қаза болуына байланысты Қазақстанда жалпыұлттық аза тұту күні жарияланды.
Тиісті өкімге Қазақстан Республикасының Президенті Қасым-Жомарт Тоқаев 2026 жылғы 24 қыркүйекте қол қойды.
Қайғылы оқиға 24 қыркүйекте Маңғыстау облысындағы Каспий теңізінің жағалауында өткен әскери-теңіз оқу-жаттығулары кезінде болды. Оқу-жауынгерлік тапсырманы орындау барысында ауа райының күрт нашарлап, желдің күшеюіне байланысты әскери қызметшілер теңізге түсіп кеткен.
