Непалдағы жойқын опырылым мен су тасқыны салдарынан қаза тапқандар саны 1 204 адамға жетті. Бұл туралы елдегі тәуекелдерді азайту және табиғи апаттардың салдарын жою жөніндегі ұлттық басқарма хабарлады.
Бұған дейін 1 127 адамның қаза тапқаны айтылған еді. Тағы шамамен 4,2 мың адам хабар-ошарсыз кеткендер қатарында. Құтқарушылар 12 мыңға жуық адамды аман алып қалды.
Табиғи апат 26 тамызда Непалдың солтүстігінде болды. Жойқын су тасқыны Непал мен Қытай шекарасы маңында, Расувагадхи шекара бекетінен солтүстік-шығысқа қарай шамамен 20 шақырым жерде болған қар көшкінінен кейін басталған.
Таулы жыныстардың үлкен массасы өзен арнасымен жоғары жылдамдықпен 70 шақырымнан астам қашықтыққа жетіп, жолындағы елді мекендерді қиратып, ауқымды аумақты су басты. Соның салдарынан көптеген адам қаза тауып, елеулі материалдық шығын келді.
Источник / Дереккөз / Source: Reuters
